رحله الى كوكبك الشخصى


انها رحله الى كوكبك الشخصى  اوعدك انه يكون مفيد لكن مقدرش اوعدك انه

 يكون بمقدمة رخمة زى ما اتعودنا فى المقالات والكتب اللى بنشتريها

رحله الى كوكبك الشخصى

المقدمة :

زى ما اتفقنا ملهاش لازمة 

 

الموضوع :

انت ......... اه انت متستغربش ككتير وخلينى اسألك قبل ما تسرح بعيد

انت مين ؟

سؤال صعب للدرجة دى

انتشرت الايام دى  العاب كتير من نوع اعرف نفسك من اسمك او من لون 

عنيك او من اسم حبيبك او شهر ميلادك بس ياترى كلها صح او بالاصح فيها 

كلام اغلبه صح ؟

يلا بينا نروح رحلة مع بعض هتكون انت البطل والقائد فيها لانها رحلة مهمة

 ومش طويلة فكر معايا وانت داخل الكلية وعنيك وقعت على بنت حلوة وقررت 

تعمل اى حاجة علشان تكلمها ووصلتلها ؟ ... تمام اتفقتوا مع بعض على 

خروجة عادى يعنى زى اتنين هيتعرفوا على بعض وبعدها اخدتم قرار انـــك 

تتقددم لاهلها ... ولا انت فاكر ايه يعنى !

 

ابوها وافق لاسباب كتير ممكن مش علشان انت معاك فلوس او غيره لكن 

علشان البنت موافقة والام خايفة لقطر الجواز يفوت بنتها وتم الزواج وربنا

 اكرمكم ببنت وعايزين تسموها اسم فعلا الموضوع ده صعب جدا لكن الحياه

 سمتها "عادية" 

 

الاستاذة" عادية" بنتكم اتولدت فى بيئه عادية ودخلت مدرسة عادية وبعدين

 كلية عادية فى جامعة عادية واتوظفت وظيفة عادية واتجوزت زيكم جوازة

 عادية وماتت موته عادية ايه رأيك فى رحلة صغيرة لبنتك هتقولى انت سؤالك

 كان انت مين مش بنتك مين ؟

 

هقولك اتعلم اول درس انهارده ان اى حاجه عايز تشوفها جواك ومش قادر

 تعريفها  هتشوف منها نسخة فى احب شئ اليك فلو هى كده هيكون علشان

 انت كنت كده خد قرارك اليوم لتكون عادى وكل اللى تعرفهم عادين او تكون

 متميز وكل الناس متميزين.

 

على فكرة القرار انهارده سهل لكن بكرة هيكون صعب لانك هتنسى انت مين

 وكل يوم تعريف جديد لنفسك .

القاك على خير بعد الوصول الى كوكبك فى رحلة جديدة

                                   مدرب القادة 

                              عبدالرحيم يوسف

     

جميع الحقوق محفوظة لــ التنمية البشرية - معاً نصل للقمة 2016 ©